«Օսկար» մրցանակաբաշխության արարողությունը այլևս չի ցուցադրվի հեռուստատեսությամբ

«Օսկար» մրցանակաբաշխության արարողությունը այլևս չի ցուցադրվի հեռուստատեսությամբ և կհեռարձակվի YouTube-ով՝ սկսած 2029 թվականից։ Այս մասին հայտարարել է Կինոարվեստի և գիտության ակադեմիան իր կայքում։

«Կինոարվեստի և գիտության ակադեմիան և YouTube-ը կնքել են բազմամյա պայմանագիր, որը YouTube-ին կտա բացառիկ համաշխարհային իրավունքներ՝ հեռարձակելու «Օսկար» մրցանակաբաշխությունը՝ սկսած 2029 թվականից, երբ տեղի կունենա 101-րդ արարողությունը, և կշարունակվի մինչև 2033 թվականը», - ասվում է մամուլի հաղորդագրության մեջ։

Արարողությունը, ներառյալ կարմիր գորգի լուսաբանումը, կադրից դուրս նկարահանումները և այլն, ուղիղ եթերում և անվճար հասանելի կլինի YouTube-ում աշխարհի ավելի քան երկու միլիարդ դիտողների, ինչպես նաև Միացյալ Նահանգներում YouTube TV-ի բաժանորդների համար։

Ակադեմիան նշել է, որ հարթակը կօգնի «Օսկար»-ը հասանելի դարձնել աճող համաշխարհային լսարանի համար՝ ենթագրերի և բազմալեզու աուդիոյի նման գործառույթների միջոցով։