Վրաստանը՝ Ռուսաստանի հետ հարաբերությունները վերականգնելու պայմանների մասին
Վրաստանը պատրաստ է վերականգնել հարաբերությունները Ռուսաստանի հետ, սակայն դրա համար առաջին պայմանը Ռուսաստանի կողմից Վրաստանի տարածքային ամբողջականության ճանաչումն է։ APA-ի փոխանցմամբ՝ այս մասին հայտարարել է Վրաստանի խորհրդարանի խոսնակ Շալվա Պապուաշվիլին։
Նրա խոսքով՝ նշված պայմանը հարաբերությունների կարգավորման միակ միջոցն է։
Նշվում է նաև, որ Ռուսաստանի արտաքին գործերի նախարարության պաշտոնյա Միխայիլ Կալուգինը հայտարարել է՝ Մոսկվան մտադիր է կարգավորել հարաբերությունները Թբիլիսիի հետ։
Նրա խոսքով՝ «գլխավոր խնդիրը Վրաստանին Ռուսաստանի դեմ խաղերում չօգտագործելն է»։
