Գյումրու քաղաքապետարանի մոտից ձերբակալված Հովեյան եղբայրներն ազատ կարձակվեն. փաստաբան

Գյումրու քաղաքապետարանի դիմաց հոկտեմբերի 20-ին տեղի ունեցած դեպքերով երկու պաշտպանյալներիս կալանքների երկարացման միջնորդությունների դատական նիստերն ավարտվեցին և կայացվեցին որոշումներ, հայտնել է փաստաբան Արսեն Բաբայանը։

«Նախորդ օրը Հակակոռուպցիոն դատարանում դատավոր Սարգիս Պետրոսյանի նախագահությամբ, իսկ այսօր՝ Սարգիս Դադոյանի նախագահությամբ քննվեց ու մերժվեց երկու եղբայրներ Կարեն և Կարուշ Հովեյանների կալանքների երկարացման մասին քննիչների միջնորդությունները։

Վստահաբար կարող եմ պնդել, որ երկու դատական նիստերում էլ իրավաբանությունը հաղթեց քաղաքականությանը։

Եղբայրները դեկտեմբերի 20-ից ազատ կարձակվեն»,- նշել է Բաբայանը։