Կա սահման, որից այն կողմ Զելենսկին չի անցնի. լարված փուլ է

Բեռլինում կայացել է Ուկրաինայի նախագահ Վլադիմիր Զելենսկու և ամերիկյան պատվիրակության միջև բանակցությունների լարված փուլը, որի ընթացքում կողմերը քննարկել են հնարավոր փոխզիջումները ռուս-ուկրաինական պատերազմի շուրջ։

Ըստ գերմանական Bild-ի՝ Ուկրաինան պատրաստակամություն է հայտնել քննարկել ՆԱՏՕ-ին չանդամակցելու ցավոտ տարբերակները՝ մինչև առաջիկա ընտրությունները սեղմ ժամկետներում անցկացնելու պայմանով։ Սակայն, ինչպես նշվում է, կա հստակ սահման, որից այն կողմ նախագահ Զելենսկին պատրաստ չէ անցնել։

Հրատարակության տվյալներով՝ առանցքային վեճը տարածքային բնույթ ունի։ Քննարկվող ծրագրի կետերից մեկում նշվում է, որ Ղրիմը, Լուգանսկի և Դոնեցկի շրջանները «դե ֆակտո» ճանաչվում են որպես ռուսական, իսկ Խերսոնի և Զապորոժիեի շրջաններում նախատեսվում է ռազմաճակատի գծերի սառեցում։

Կիևը պատրաստ է ժամանակավոր «սառեցնել» ճակատը և փաստացի ընդունել Ռուսաստանի կողմից օկուպացված տարածքների նկատմամբ վերահսկողության կորուստը, սակայն կտրականապես մերժում է Դոնեցկի շրջանի վերահսկվող հատվածից ուկրաինական զորքերի դուրսբերման պահանջը։

ԱՄՆ-ը, որպես փոխզիջում, առաջարկել է, որ Ուկրաինան դուրս բերի զորքերը Դոնեցկի մարզի շուրջ 5600 քառակուսի կիլոմետր տարածքից, որը կստանա «ապառազմականացված տնտեսական գոտու» կարգավիճակ՝ առանց ռուսական կանոնավոր զորքերի մուտքի։ Մոսկվան անմիջապես աջակցել է այդ գաղափարին՝ նշելով, որ այնտեղ կտեղակայվի միայն Ռոսգվարդիան։

«