Հաագայում զանգվածային ներգաղթի դեմ բողոքի ցույցեր են
Հաագայում տասնյակ մարդիկ մասնակցում են զանգվածային ներգաղթի դեմ բողոքի ցույցին, հաղորդում է «ՌԻԱ Նովոստին»։
Զանգվածային ներգաղթի դեմ բողոքի ցույցը սկսվել է այսօր կեսօրին Հաագայի Մալիվելդ դաշտի մոտ։
Ակցիայի կազմակերպիչը «Nationaal Protest» արմատական բողոքի շարժումն է, որը ցույցեր և երթեր է անցկացնում, որոնք հիմնականում ուղղված են զանգվածային ներգաղթի և Նիդեռլանդների կառավարության ապաստանի քաղաքականության դեմ պայքարին։
Բողոքի ակցիան անցկացվում է «Անվտանգ Նիդեռլանդների համար» կարգախոսի ներքո։ Հոլանդական դրոշներով հավաքված մասնակիցները կոչ են անում գործողություններ ձեռնարկել ներգաղթյալների հոսքի դեմ։
Ցուցարարները նշում են, որ հիասթափված են կառավարության քաղաքականությունից, որը «չի կարողանում իր ժողովրդին առաջին տեղում դնել»։ Ցուցարարները նաև կոչ են անում գործողություններ ձեռնարկել երկրում կենսապահովման ծախսերի աճի դեմ։
