Վրացի նախարարը՝ Բաքու-Թբիլիսի-Կարս երկաթուղու բացման մասին
Վրաստանի էկոնոմիկայի նախարար Մարիամ Կվրիվիշվիլինը հայտարարել է Բաքու-Թբիլիսի-Կարս երկաթուղու մոտալուտ բացման մասին։
«Շատ շուտով Ադրբեջանը, Թուրքիան և Վրաստանը կնշեն պատմական Բաքու-Թբիլիսի-Կարս նախագծի բացումը, որը կարևոր դեր կխաղա մեր երկրի և տարածաշրջանի համար։ Այս նախագծի հանդիսավոր բացումը տեղի կունենա շատ շուտով»,- Առաջին ալիքի եթերում ասել է Մարիամ Կվրիվիշվիլին։
Նրա խոսքով՝ կառավարությունն առաջիկա տարիներին նաև մեկ միլիարդ լարի (370 միլիոն դոլար) կներդնի Վրաստանի երկաթուղիներում՝ ամրապնդելու նրա տարանցիկ դերը, ապահովելով, որ Վրաստանը մնա մրցունակ երկիր և հուսալի գործընկեր, ապահովելով արագ և բարձրորակ բեռնափոխադրումներ։
