Էրդողանը հանդես է եկել հայտարարությամբ կապված Պուտինի հետ բանակցություներից
Թուրքիայի նախագահ Ռեջեփ Թայիփ Էրդողանը հայտարարել է ԱՄՆ նախագահ Դոնալդ Թրամփի հետ ուկրաինական հակամարտության կարգավորման ծրագիրը քննարկելու իր մտադրության մասին։ Այս մասին հայտնում է ՌԻԱ Նովոստին։
Էրդողանը նշել է, որ ուրբաթ օրը Աշխաբադում բանակցություններ է վարել Ռուսաստանի նախագահ Վլադիմիր Պուտինի հետ, որի ընթացքում քննարկվել են Ուկրաինայում խաղաղության հասնելու հնարավորությունները։
«Պուտինի հետ այս հանդիպումից հետո, Աստծո կամքով, մենք կքննարկենք խաղաղության ծրագիրը և, եթե հնարավոր լինի, ԱՄՆ նախագահ Թրամփի հետ։ Խաղաղությունը հեռու չէ, մենք այն տեսնում ենք»,- լրագրողներին ասել է Էրդողանը Աշխաբադից վերադառնալուց հետո։
Թուրքիայի նախագահը ընդգծել է, որ Պուտինի հետ քննարկել է հակամարտության կարգավորման ուղղությամբ տարվող ջանքերը և հավելել, որ Անկարան դրական է վերաբերվում Դոնալդ Թրամփի առաջ քաշած նախաձեռնություններին։
