Իրանում ձերբակալվել է Նոբելյան խաղաղության մրցանակի դափնեկիրը
Իրանցի իրավապաշտպան և 2023 թվականի Նոբելյան խաղաղության մրցանակի դափնեկիր Նարգիս Մոհամմադին ձերբակալվել է Իրանում հիշատակի արարողության ժամանակ, որը վերածվել է բողոքի ցույցի: Այս մասին հայտարարել են նրա հարազատներն ու աջակցության կոմիտեն: Ակտիվիստը, որը բազմիցս բանտարկվել է Իրանում, պայմանական ազատության մեջ է առողջական պատճառներով։
Նարգիս Մոհամմադիի հիմնադրամը հավաստի տեղեկություններ է ստացել, որ նա «դաժանորեն ձերբակալվել է»: Ֆրանսիացի փաստաբան Նարգիս Մոհամմադին AFP-ին հաստատել է իր հաճախորդի ձերբակալությունը: Նրա ամուսինը՝ Թագի Ռահմանին, որը բնակվում է Փարիզում, նույնպես հաստատել է լուրը: Նրա խոսքով՝ Մոհամմադին ձերբակալվել է արևելյան Մաշհադ քաղաքում՝ մեկ այլ հայտնի ակտիվիստի՝ Սեպիդե Քոլիանի հետ միասին։
Նոբելյան խաղաղության մրցանակի դափնեկիրը, ըստ տեղեկությունների, առևանգվել է մարդու իրավունքների պաշտպան Խորսով Ալիքորդիի հիշատակի արարողության ժամանակ: Վերջինս մահացած է գտնվել անցյալ շաբաթ: Ալիքորդին, ի թիվս այլոց, պաշտպանել է 2022 թվականի զանգվածային բողոքի ցույցերի ժամանակ ձերբակալվածներին։
53-ամյա Նարգիզ Մոհամմադին, բազմիցս դատապարտված և բանտային վետերան, 2023 թվականի Նոբելյան խաղաղության մրցանակը ստացել է «Իրանում կանանց ճնշման դեմ պայքարի և բոլորի համար մարդու իրավունքների ու ազատությունների առաջխաղացման համար» պայքարի համար։ Նա պայմանական վաղաժամկետ ազատ է արձակվել 2024 թվականի դեկտեմբերին՝ բժշկական պատճառներով։
