Նիկոլ Փաշինյանի ինքնաթիռը Մոսկվայի փոխարեն վայրէջք է կատարել Սանկտ Պետերբուրգում. մանրամասներ

ՀՀ վարչապետ Նիկոլ Փաշինյանի ինքնաթիռը չի կարողացել վայրէջք կատարել Մոսկվայում՝ փակ օդային տարածքի պատճառով, և ուղղություն է վերցրել դեպի այլընտրանքային օդանավակայան։ Գիշերային անօդաչու թռչող սարքի հարձակումը Մոսկվայի օդանավակայաններում հետաձգեց ավելի քան 170 չվերթ։ Այս մասին հաղորդել է Baza-ն։

Փաշինյանի ACJ319-ը մոտ մեկ ժամ պտտվել է Տվերի մարզի վրայով՝ սպասելով վայրէջքի թույլտվության, բայց այդպես էլ չի ստացվել։ Ինքնաթիռը, ի վերջո, ուղղվեց դեպի Պուլկովո օդանավակայան, որտեղ վայրէջք կատարեց մոտավորապես ժամը 1:00-ին։ ՀՀ վարչապետը Գերմանիա կատարած այցից հետո մեկնում էր Մոսկվա և պատրաստվում էր մասնակցել Եվրասիական տնտեսական միության (ԵԱՏՄ) միջկառավարական խորհրդի նիստին։

Մոսկվայի մարզը վերջին ժամանակների ամենամեծ հարձակումներից մեկն էր կրել. ՀՕՊ-ը գիշերը խոցել է 32 անօդաչու թռչող սարք։ Բնակիչները հայտնել են, որ գիշերը պայթյուններ են լսել Զելենոգրադում, Ռամենսկոյեում, Օդինցովոյում և Դուբնայում. բումային ձայները շարունակվել են մինչև վաղ առավոտյան, ինչպես նաև անօդաչու թռչող սարքերի ձայները։