ԱՄՆ-ն և Ավստրալիան սկսում են հիպերձայնային հրթիռների համատեղ արտադրություն
Պենտագոնի քարտուղար Փիթ Հեգսեթը հայտարարել է, որ ԱՄՆ-ն և Ավստրալիան աշխատում են հիպերձայնային թևավոր հրթիռների, օդային արձակման հրթիռների և տորպեդոների համատեղ արտադրության վրա։
Նա հավելել է, որ ԱՄՆ-ն նաև արդիականացնում է Ավստրալիայի ավիաբազաների ենթակառուցվածքները՝ ռազմավարական ռմբակոծիչների ռոտացիան ընդլայնելու և այնտեղ ծովային հետևակի ներկայությունն ամրապնդելու համար։
Հեգսեթի խոսքով՝ ԱՄՆ-ն և Ավստրալիան խորացնում են համագործակցությունը պաշտպանական արդյունաբերական բազայում, ներառյալ կառավարվող զենքի համատեղ արտադրությունը և հարվածային հնարավորությունների բարելավումը։
