Շուտով կլինեն առանձին կահավորված պատժախցեր և տեսախցիկներ. Գալյան

Արդարադատության նախարար Սրբուհի Գալյանը ճեպազրույցում նշել է, որ քրեակատարողական հիմնարկում արձանագրված մահերն ունեն տարբեր դրդապատճառներ։

«Յուրաքանչյուր մահի դեպքում խնդիրը տարբեր է։ Ունենք ինքնասպանություն, ֆիզիոլոգիական մահեր, որոնք արձանագրվում են առողջության հետ կապված որևէ խնդրից»,- ասել է Գալյանը։

Նրա խոսքով՝ այժմ տարբեր ուղղությամբ են աշխատում. «Ինքնասպանություն կատարող անձանց դեպքերը փորձում ենք կանխել՝ շուտով ունենալով առանձին կահավորված պատժախցեր, որոնցում կլինի փափուկ կահույք և ավելի քիչ հնարավորություն՝ ֆատալ ելքով արարքներ կատարելու, և կլինեն տեսախցիկներ, որոնք կհսկեն նրանց»,- ասել է նախարարը։