Մեքենան վարել էին ընկած քաղաքցու վրա և սպանել․ քրեական հետապնդում է հարուցված 2 անձի նկատմամբ
Բորիս Արզումանյանի սպանության դեպքով նախաձեռնված քրեական վարույթի շրջանակում քրեական հետապնդում է հարուցված: Այս մասին Auroranews.am-ին հայտնեցին դատախազությունից:
«Բորիս Արզումանյանի սպանության դեպքով նախաձեռնված քրեական վարույթի շրջանակում քրեական հետապնդում է հարուցված (Քրեական օրենսգրքի 297-րդ հոդվածի 2-րդ մասի 1-ին կետ, 155-րդ հոդվածի 1-ին մաս) երկու անձի նկատմամբ։ Մեկ անձի նկատմամբ խափանման միջոց է ընտրված կալանավորումը»,- հայտնում են գերատեսչությունից:
Հիշեցնենք, որ նոյեմբերի 24-ի լույս 25-ի գիշերը Նոր Նորքի Շոպրոնի փողոցի հասցեներից մեկում մի խումբ անձանց միջև տեղի ունեցած վիճաբանություն-ծեծկռտուք է տեղի ունեցել, որի ընթացքում մասնակիցներից մեկը իր վարած ավտոմեքենայով վրաերթի է ենթարկել կռվի մասնակիցներից Երևանի բնակիչ 31-ամյա Բորիս Արզումանյանին։ Իրավապահները պարզել են, որ տեղի ունեցածը միտումնավոր վրաերթ է, մինչ այդ էլ տեղի է ունեցել վիճաբանություն-ծեծկռտուք։
Հավելենք՝ վրաերթի ենթարկված Բորիս Արզումանյանը մահացել է:
