Հայ գրոսմայստերները ընդգրկվել են ՖԻԴԵ-ի դեկտեմբերյան աղյուսակում
Հայ գրոսմայստերներն ընդգրկվել են Շախմատի միջազգային ֆեդերացիայի դեկտեմբերյան աղյուսակում, հայտնում է ՖԻԴԵ-ն:
Տղամարդկանց ցուցակում թոփ-100-ում Հայաստանը ներկայացնող միակ շախմատիստը Շանթ Սարգսյանն է, նա զբաղեցրել է 52-րդ հորիզոնականը:
Կանանց վարկանիշային աղյուսակում առաջին հարյուրյակում են Էլինա Դանիելյանը (37-րդ տեղ), Լիլիթ Մկրտչյանը (75-րդ տեղ) և Մարիամ Մկրտչյանը (90-րդ տեղ):
Լևոն Արոնյանը, որն այժմ ներկայացնում է ԱՄՆ-ը, զբաղեցնում է 20-րդ հորիզոնականը:
