ԵՄ-ը նախատեսում է ընդլայնել Frontex-ի լիազորությունները և թվային վերահսկման գործիքների օգտագործումը
Եվրամիությունը քննարկում է Եվրոպայի սահմանային և ափամերձ պահպանության գործակալության (Frontex) մանդատի հնարավոր փոփոխությունն ու լիազորությունների ընդլայնումը։ Ինչպես հաղորդում է Euractiv-ը՝ վկայակոչելով ներքին փաստաթղթեր, ԵՄ երկրները դիտարկում են Frontex-ում անօդաչու թռչող սարքերի օպերատորների, կիբերհսկողության ստորաբաժանումների և իրավիճակի վերահսկման համար արհեստական բանականության կիրառմամբ զբաղվող խմբերի ընդգրկման հնարավորությունը։
Frontex-ի մանդատի վերանայումը նախատեսված է 2026 թվականին՝ ինչպես ավելի վաղ հայտարարել էր Եվրահանձնաժողովի նախագահ Ուրսուլա ֆոն դեր Լայենը։ Հարցը ներառված է ԵՄ 2026 թվականի աշխատանքային ծրագրում։
Ներկայում Frontex-ը աջակցում է ԵՄ անդամ պետություններին արտաքին սահմանների պահպանությունում, հակազդում է անդրահմանային հանցավորությանը, տեղեկատվություն հավաքում և օգնում արտաքսման գործընթացներում։
