Արման Ծառուկյանը արձագանքել է UFC-ի որոշմանը․ ինչպես կարելի է սա հասկանալ
Խառը մենամարտերի թեթեւ քաշային կարգում UFC դասակարգման առաջին համար Արման Ծառուկյանը սոցիալական հարթակներում արձագանքել է կազմակերպության որոշմանը, ըստ որի ժամանակավոր չեմպիոնի տիտղոսի համար մենամարտելու են ամերիկացի Ջասթին Գեթժին եւ բրիտանացի Փեդի Փիմբլեթը։
Նա գրել է. «Բացատրեք, թե ինչպես սա ընդհանրապես կարելի է հասկանալ»։
Հավելենք՝ Գեթժիի եւ Փիմբլեթի մենամարտը նախատեսված է հունվարի 24-ին Լաս Վեգասում, որի հաղթողը հետո կմրցի գործող չեմպիոն Իլիյա Տոպուրիայի հետ։ Վերջինս անձնական խնդիրների պատճառով մի քանի ամսով դադար է վերցրել, իսկ նրա վերադարձը օկտագոն սպասվում է հաջորդ տարվա գարնանը։
