Ուկրաինայում կտեղակայվեն «զսպող nւժեր». Մակրոն

Ֆրանսիայի նախագահ Էմանուել Մակրոնը հայտնել է, որ խաղաղության համաձայնագրի ստորագրումից հետո, Ուկրաինայի տարածքում կարող են տեղակայվել «զսպող ուժեր»։ Նրա խոսքով՝ ստորաբաժանումները կտեղակայվեն առաջնագծից հեռու՝ քաղաքներում, ինչպիսիք են Կիևը և Օդեսան։

Նրա խոսքով՝ առաքելությանը կմասնակցեն Մեծ Բրիտանիայի, Ֆրանսիայի և Թուրքիայի զինվորականներ։ Նրանց պարտականությունների մեջ մտնում է ուկրաինական զորքերին մարզելը և անվտանգությունն ապահովելը` նույնը, ինչպես ՆԱՏՕ-ի երկրներն են աջակցում Դաշինքի արևելյան թևում գտնվող պետություններին։

Նա ընդգծել է, որ նախաձեռնությունը միջկառավարական կոալիցիայի շրջանակում է, ոչ թե ՆԱՏՕ-ի գլխավորած առաքելություն, և մոտ 20 երկիր պատրաստ է մասնակցել ցամաքում, ծովում կամ օդում։