Ուիթքոֆը մեկնում է Թուրքիա՝ հանդիպելու Զելենսկու և Էրդողանի հետ

ԱՄՆ նախագահի հատուկ ներկայացուցիչ Սթիվ Ուիթքոֆը պաշտոնական այցով կլինի Թուրքիայում։ Այցի շրջանակում նա Ուկրաինայի նախագահ Վլադիմիր Զելենսկու հետ միասին կմասնակցի Անկարայում նախատեսված հանդիպմանը Թուրքիայի նախագահ Ռեջեփ Թայիփ Էրդողանի հետ։

Հանդիպման հիմնական նպատակն է քննարկել այն քայլերը, որոնք կարող են նպաստել Ստամբուլում ավելի վաղ անցկացված խաղաղ բանակցությունների շարունակմանը։

Կողմերը, ըստ աղբյուրների, նախատեսում են քննարկել բանակցային գործընթացի վերագործարկման հնարավորությունները, ինչպես նաև տարածաշրջանային անվտանգությանն ու միջազգային միջնորդությանն առնչվող հարցեր։