Հայ–ադրբեջանական խաղաղությունը կուժեղացնի Կովկասի լոգիստիկ դերը. Վահագն Խաչատուրյան
ՀՀ նախագահ Վահագն Խաչատուրյանը Վրաստանի նախագահ Միխեիլ Կավելաշվիլիի հետ համատեղ ճեպազրույցում ընդգծել է, որ Հայաստանի և Ադրբեջանի միջև խաղաղության հաստատումը, ինչպես նաև տարածաշրջանային նախագծերի իրականացումը կարող են Հարավային Կովկասը վերածել լոգիստիկ կենտրոնի, հաղորդում են վրացական լրատվամիջոցները։ Նա նշել է, որ հանդիպման ընթացքում քննարկվել են տարածաշրջանային հարցեր, Վաշինգտոնում օգոստոսի 8-ին նախաստորագրված խաղաղության համաձայնագրի դրույթները և տնտեսական օրակարգը։
Խաչատուրյանը հավելել է, որ կողմերի համագործակցությունն, որը հիմնված է ինքնիշխանության, ինքնության և փոխադարձ հարգանքի վրա, ունի կարևոր նշանակություն։ Նրա խոսքով՝ խաղաղության հաստատումն ու համապատասխան նախագծերի իրականացումը կարող են նպաստել Հարավային Կովկասի լոգիստիկ դերին, իսկ բարգավաճման ապահովումը համատեղ պատասխանատվություն է։ Խաչատուրյանը ընդգծել է համատեղ ջանքերի կարևորությունը վրաց-ադրբեջանական հարաբերությունների հետագա խորացման համար։
