Արևմուտքում գլխավոր խնդիրը շահավետ օրակարգը բնակչությանը հասցնելն է. Զախարովա

Արևմտյան մեդիահամակարգը այլևս նպատակ չունի իրազեկել մարդկանց, նրանց գլխավոր խնդիրը շահավետ օրակարգը բնակչությանը հասցնելն է: Այս մասին հայտարարել է Ռուսաստանի արտաքին գործերի նախարարության խոսնակ Մարիա Զախարովան, գրում է «Ռիա Նովոստի»-ն:

«Արևմուտքում ի հայտ է եկել մի համակարգ, որտեղ հասարակական և քաղաքական տեղեկատվության նպատակը, ըստ էության, դադարել է լինել տեղեկացնելը։ Այն փոխարինվել է ազդելու, հարմար օրակարգ վերարտադրելու և այն ցանկալի վերջնական արդյունքին հարմարեցնելու առաջադրանքով», - ասել է դիվանագետը։

Նրա խոսքով՝ երբ մեկը «հեռանում է հիմնական հոսանքից», այդ ժամանակ հետաքննական լրագրությունը դավադրությունների տեսության տարվածություն են անվանում, իսկ այլընտրանքային տեսակետ հայտնողներին համարում են «ձախերի», «աջերի» կամ նույնիսկ «ծայրահեղական հայացքների» ներկայացուցիչներ: