Փաշինյանը՝ Ռուսաստանի կողմից զենք չմատակարարելու մասին
Այսօր՝ մայիսի 22-ին, տեղի ունեցած մամուլի ասուլիսի ժամանակ ՀՀ վարչապետ Նիկոլ Փաշինյանը անդրադարձել է ԱԽ քարտուղար Արմեն Գրիգորյանի հայտարարությանը, թե Ռուսաստանը չի կատարում իր պարտավորությունները, որոնք ունի Հայաստանի հանդեպ, մասնավորապես, սպառազինության մասով գումարը վճարվել է, զենքը չի մատակարարվել, արդյոք գումարը հետ են տվել:
«Չեմ կարող աշխատանքային պրոցեսում գտնվող թեմաների շուրջ բովանդակային բացահայտումներ անել: Կոռեկտ չի լինի»,-նշել է Փաշինյանը:
Ճշտող հարցին, թե արդյոք Արմեն Գրիգորյանի ասածը կապ ունի վարչապետի ավելի վաղ արած հայտարարությանը, որ մենք մի քանի հարյուր մլն դոլարի պատվեր ենք տվել, բայց զենքը չենք ստացել, Փաշինյանը կարճ պատասխանել է.
«Այո, կապ ունի»:
