Մոլդովան մերժել է ադրբեջանցի ուսանողների մուտքը
Մոլդովան մուտքի թույլտվություն չի տրամադրել մոտ 40 ադրբեջանցի ուսանողների, որոնք նախատեսում էին Ուկրաինա մեկնել ուսման նպատակով։ Ինչպես հայտնում է «Report.az»-ը՝ հղում անելով Ադրբեջանի ԱԳՆ մամուլի ծառայության վարչության ղեկավար Այխան Հաջիզադեին, ուսանողները դեռ Քիշնևի միջազգային օդանավակայանում ստացել են մուտքի մերժում և հետ ուղարկվել Ադրբեջան։
Հաջիզադեի խոսքով՝ մերժման պատճառ է հանդիսացել համալսարան ընդունվելու վերաբերյալ ոչ ճիշտ ձևակերպված փաստաթղթերը, որոնք, ըստ մոլդովական կողմի, չեն բավարարել մուտք գործելու պահանջներին։
Ադրբեջանի դեսպանատունը Մոլդովայում տեղյակ է կատարվածից և աջակցել է ուսանողներին անհրաժեշտ գործընթացներում։
