Թրամփը վստահ է, որ իր յուրաքանչյուր զավակը կարող է դառնալ ԱՄՆ նախագահ

ԱՄՆ նախագահ Դոնալդ Թրամփը վստահ է, որ իր բոլոր զավակները ունեն այն հատկանիշները, որոնք անհրաժեշտ են երկրի առաջնորդ դառնալու համար։ Նա այդ մասին ասել է Fox News-ին տված հարցազրույցում։

«Չգիտեմ… Կարծում եմ, որ ինչ-որ իմաստով նրանցից յուրաքանչյուրը կարող է դա անել», - նշել է Թրամփը՝ պատասխանելով լրագրողի հարցին, թե արդյոք իր երեխաներից մեկը երբևէ կարող է դառնալ ԱՄՆ նախագահ։

Դոնալդ Թրամփն ունի հինգ զավակ։ Իր առաջին նախագահության տարիներին Իվանկա Թրամփը զբաղեցնում էր նախագահի խորհրդականի պաշտոնը Սպիտակ տանը, սակայն հետագայում ամբողջությամբ հեռացավ քաղաքականությունից։