Ֆրանսիան կօգնի Պաղեստինին մշակել Սահմանադրությունը
Ֆրանսիայի նախագահ Էմանուել Մակրոնը հայտնել է, որ Ֆրանսիան պատրաստ է աջակցել Պաղեստինի վարչակազմին ապագա պաղեստինյան պետության Սահմանադրության մշակման գործընթացում։ Այս նպատակով նախատեսվում է ստեղծել համատեղ ֆրանսո-պաղեստինյան հանձնաժողով։
Մակրոնի խոսքով՝ Սահմանադրության նախագծի նախնական տարբերակը արդեն պատրաստ է և ներկայացվել է Պաղեստինի ազգային վարչակազմի ղեկավար Մահմուդ Աբասի կողմից։
Փարիզում կայացած հանդիպումից հետո Աբասը նշել է, որ ապագա Սահմանադրությունը պետք է հիմնված լինի ժողովրդավարության, խաղաղության և օրենքի գերակայության սկզբունքների վրա։
