Եթե զորահանդես կազմակերպեինք, տպավորիչ կլիներ, բայց պատրաստվում ենք խաղաղության օրակարգին. Փաշինյան
ԱԺ-հարցուպատասխանի ընթացքում վարչապետ Նիկոլ Փաշինյանը անդրադարձել է զորհանդես կազմակերպելուն, ըստ որի՝ եթե նոյեմբերին կամ դեկտեմբերին այն լիներ, շատ տպավորիչ կլիներ։
«Կան կարծիքներ, որ զորահանդես պետք է անել, և կարծիքներ, որ չպետք է՝ ամենատարբեր նկատառումներով։ Ադրբեջանում տեղի ունեցած զորահանդեսից հետո նորից ակտիվացել են այդ թեմաները»,-ասել է Նիկոլ Փաշինյանը՝ հավելելով՝ այժմ կենտրոնացած են խաղաղության օրակարգի վրա։
«Բայց մյուս կողմից հասկանում ենք, որ սա տեղեկատվական անվտանգության մաս է, որ չկարողանան սխալ տեղեկություններ տարածել»,-ընդգծել է վարչապետը:
