Չգիտեմ ինչից եք զարմացել, բայց Հայաստան միշտ եկել է ու կգա 4-րդ կարգի ցորեն. Պապոյան

Գևորգ Պապոյանը, ի պատասխան ցորենի մասին բոլոր դիտարկումներին, ֆեյսբուքյան գրառում է արել. «Ժողովուրդ ջան, չգիտեմ ինչից եք զարմացել, բայց Հայաստան միշտ եկել է ու կգա և’ 1-ին կարգի, և’ 2-րդ կարգի, և’ 3-րդ կարգի և’ 4-րդ կարգի ցորեն»։ 

Մասնավորապես նա նշել է, որ 4-րդ կարգի ցորեն Հայաստան եկել է ոչ միայն Սերժ Սարգսյանի, Ռոբերտ Քոչարյանի և Լևոն Պետրոսյանի, այլև Դեմիրճյանի, Զարոբյանի, Քոչինյանի ու իրենցից առաջ եղած մարդկանց ժամանակ։

«Սիրում եմ բոլորիդ։ Այդ թվում նրանց, ովքեր առավոտյան իրենց կերած հացը համարում են անասնակեր»,- եզրափակել է Պապոյանը: