Հայտնի է՝ որքան ցորեն կուղարկվի Հայաստան Ադրբեջանի տարածքով

Մինչև 2026 թվականի հունվարի վերջը Հայաստան կուղարկվի ևս 132 վագոն ցորեն Ադրբեջանի միջով։ Այս մասին հայտնել է Ռուսաստանի տրանսպորտի նախարարությունը:

Նախարարությունը տեղեկացրել է, որ Ռուսաստանից Հայաստան է մատակարարվել ցորենի առաջին խմբաքանակը։ «Ռուսական երկաթուղիներ»-ը կազմակերպել է ավելի քան 1000 տոննա բեռի փոխադրում Ուլյանովսկի մարզի Դիմիտրովգրադ կայարանից։

Նախարարության տվյալներով՝ նոր լոգիստիկ երթուղին հնարավոր է դարձել Ադրբեջանի տարածքով տարանցման վերականգնումից հետո։

Այս փոխադրումն, ըստ Ռուսաստանի տրանսպորտի նախարարության, առաջինն է իր տեսակի մեջ 1990-ական թվականներից ի վեր։ Ներկայումս շարունակվում են աշխատանքները՝ այս ուղղությամբ նաև այլ տեսակի բեռների փոխադրման համար։