Ադրբեջանի ԱԳՆ-ն կրկին դժգոհել է «հայկական կողմի տեղադրած ականներից»
Ադրբեջանի արտգործնախարարությունը կրկին դժգոհել է «հայկական կողմի տեղադրած ականներից»՝ հայտարարելով, թե «միջազգային գործընկերների ձախողումը՝ ստիպել Երևանին վերացնել այդ սպառնալիքը, ավելի շատ զոհերի և վիրավորների պատճառ է դառնում»։
Բաքվի հաղորդմամբ, 2020 թվականի նոյեմբերից ականների պայթյուններից զոհվել է 343 մարդ:
Երեկ ավելի վաղ Ադրբեջանը հայտնեց, որ Թերթերի շրջանում ականի վրա քաղաքացի է պայթել, նրա ոտքն ամպուտացվել է:
Հայաստանի Ազգային անվտանգության ծառայությունը հունվարին տեղեկացրել էր, որ պատրաստվում է Ադրբեջանին հանձնել ականապատ դաշտերի քարտեզների նոր ի հայտ եկած ութ տեղեկամատյաններ։
Ադրբեջանական կողմը, սակայն, այս հայտարարությանը կոշտ արձագանքեց՝ շեշտելով՝ ակնկալում է, որ Հայաստանը ներկայացնի բոլոր ականապատ տարածքների կոնկրետ քարտեզները։
