Էստոնիան ընդգծում է Թուրքիայի դերը Բաքու-Երևան գործընթացում
Էստոնիայի արտաքին գործերի նախարար Մարգուս Ցախնան կարևորել է Թուրքիայի դերը Ադրբեջանի և Հայաստանի միջև հարաբերությունների կարգավորման գործընթացում։
Նա այս մասին ասել է «Անադոլու» գործակալությանը տված հարցազրույցում՝ ընդգծելով, որ Անկարան կարևոր դեր է խաղում տարածաշրջանի կայունության ապահովման հարցում։
«Անցյալ շաբաթ ես այցելեցի Ադրբեջան։ Թուրքիան նաև ակտիվորեն աջակցում է Ադրբեջանի և Հայաստանի միջև խաղաղության և կայունության ապահովման գործընթացին, ինչպես նաև ռազմավարական առևտրային միջանցքներում ներդրումներին։ Մենք համագործակցում ենք Թուրքիայի հետ բոլոր ոլորտներում՝ և՛ երկկողմ, և՛ տարածաշրջանային մակարդակներում»,- նշել է Ցախնան։
Նրա խոսքով՝ Էստոնիան շահագրգռված է Հարավային Կովկասում խաղաղության և համագործակցության հաստատմամբ՝ ընդգծելով, որ տարածաշրջանի կայունությունը կարևոր է Եվրոպայի անվտանգության համար։
