Պեսկովն անդրադարձել է Թրամփի՝ միջուկային զենքի փորձարկումների մասին հայտարարությանը

Կրեմլի խոսնակ Դմիտրի Պեսկովն անդրադարձել է ԱՄՆ նախագահ Թրամփի՝ միջուկային զենքի փորձարկումների մասին հայտարարությանը։

«Թրամփը նշել է, թե իբր այլ երկրներ զբաղվում են միջուկային զենքի փորձարկումներով, եթե նկատի է առնվում «Բուրեվեստնիկը», ապա այդ տեղեկությունը չի համապատասխանում իրականությանը»,- հայտարարել է Պեսկովը։

Ինչ վերաբերում է Թրամփի՝ միջուկային փորձարկումների վերաբերյալ հայտարարություններին, Պեսկովն ընդգծել է․ «ԱՄՆ-ն ինքնիշխան երկիր է և ունի ինքնիշխան որոշումներ կայացնելու իրավունք»։

Հիշեցնենք` ԱՄՆ նախագահ Դոնալդ Թրամփը հայտարարել է, որ Միացյալ Նահանգներն ունի միջուկային զենքի փորձարկման կայաններ։