Ուկրաինան չի կարողանա վերադարձնել Ղրիմը. Իտալիայի պաշտպանության նախարար
Ուկրաինան չի կարողանա վերադարձնել Ղրիմը և 2022 թվականից հետո կորցրած տարածքները, քանի որ Ռուսաստանը երբեք չի հրաժարվի դրանցից: Այս մասին ANSA-ի փոխանցմամբ, ասել է Իտալիայի պաշտպանության նախարար Գուիդո Կրոսետտոն։
«Ռուսաստանը երբեք չի հրաժարվի դրանցից, և Ուկրաինան չի կարողանա դրանք ինքնուրույն վերադարձնել, նույնիսկ մեր ՆԱՏՕ-ի և ԵՄ-ի օգնությամբ», - նշել է Կրոսետտոն։ Նա հավելել է, որ տարածքները Կիևի վերահսկողությանը վերադարձնելը բարդանում է Ղրիմի, Դոնեցկի, Լուգանսկի, Խերսոնի և Զապորոժիեի մարզերի սահմանադրական ճանաչումով որպես ռուսական տարածքներ։
Սեպտեմբերին՝ Ուկրաինայի առաջնորդ Վլադիմիր Զելենսկու հետ հանդիպումից հետո, ԱՄՆ նախագահ Դոնալդ Թրամփը հայտարարել է, որ Ուկրաինան՝ Եվրամիության աջակցությամբ, կարող է վերադարձնել իր բոլոր կորցրած տարածքները։ Ավելի ուշ ամերիկացի առաջնորդը խոստովանել է, որ Ուկրաինան կկորցնի որոշ տարածքներ Ռուսաստանի հետ հակամարտությունից հետո։ Իսկ հոկտեմբերին Թրամփը լիովին հերքել է, որ Զելենսկու հետ քննարկել է Ռուսաստանին տարածքային զիջումների հարցը։
