Իշխանություն–եկեղեցի հարաբերությունների հանգուցալուծումը տեսնում եմ իշխանության խոնարհության միջոցով. Հայկ Մամիջանյան

ԱԺ պատգամավոր, «Հայաստան» խմբակցության ղեկավար Հայկ Մամիջանյանը նշել է, որ հավատքի թեման չի ցանկանում քաղաքականացնել, սակայն կարծում է՝ իշխանությունը պետք է խոնարհությամբ մոտենա եկեղեցուն:

Հայկ Մամիջանյանը, պատասխանելով լրագրողի հարցին իշխանություն–եկեղեցի հարաբերությունների հնարավոր հանգուցալուծման մասին, հայտարարել է, որ խնդիրը պետք է լուծվի իշխանության խոնարհության միջոցով։

«Լինելով Հայ Առաքելական եկեղեցու հետևորդ՝ շատ չեմ սիրում քաղաքական գործընթացներում հավատքի հետ կապված քննարկումները, բայց ինձ ստիպում են դա անել։ Ինչպես եմ պատկերացնում հանգուցալուծումը՝ իշխանության խոնարհությամբ։ Եկեղեցու հետ այլ շփում, քան խոնարհությունը, մի քիչ լավ չեմ պատկերացնում»,– նշել է պատգամավորը։

Մամիջանյանի հայտարարությունը հնչել է այն ժամանակ, երբ ակտիվորեն քննարկվում են պետություն–եկեղեցի հարաբերությունների թեմաներն ու դրանց շուրջ տարբեր քաղաքական և հասարակական գնահատականները։