Եվրոպան պետք է պատրաստվի՝ Կիևը դեռ երկար է փող խնդրելու. Պեսկով
Ռուսաստանի նախագահի մամուլի քարտուղար Դմիտրի Պեսկովը մեկնաբանել է Ուկրաինայի նախագահի հայտարարությունը, ըստ որի՝ Կիևին առաջիկա երկու-երեք տարիներին անհրաժեշտ կլինի եվրոպական ֆինանսական աջակցություն՝ ռուսական զինված ուժերի դեմ դիմակայությունը շարունակելու համար։
Պեսկովը ընդգծել է, որ այս իրավիճակում Եվրոպան պետք է պատրաստ լինի ավելացնել իր ֆինանսական պարտավորությունները։
«Եթե եվրոպացիները շարունակեն իրենց ներկայիս քաղաքականությունը Կիևի վարչակարգի նկատմամբ, ապա նրանց ստիպված կլինեն ավելի երկար և ավելի մեծ գումարներ հատկացնել»,-նշել է նա։
Կրեմլի խոսնակի խոսքով՝ ուկրաինական իշխանությունները դեռ երկար կարող են շարունակել «փող մուրալու» քաղաքականությունը։
«Կիևը կարող է այս պրակտիկան շարունակել ոչ թե մեկ կամ երկու, այլ նույնիսկ երեք տարի և ավելի»,-հավելել է Պեսկովը։
