Սերժա-քոչարյանա-կտրիճական լրագրողների խումբը գնացել էր Հովհաննավանք՝ հարսանիք հարամ անելու. Ալեքսանյան
Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանը «Ֆեյսբուք»-ի իր էջում անդրադարձել է Հովհաննավանքում տեղի ունեցած միջադեպին և գրել.
«Այսօր սերժա-քոչարյանա-կտրիճական լրագրողների խումբը գնացել էր Հովհանավանք՝ հարսանիք հարամ անելու։
Հարսանքավորների նյարդերը, ոնց հասկանում եմ, տեղի տվեցին․ նրանք նախ տուն ճանապարհեցին Կտրիճի ուղարկած հոգևորականին, հետո էլ արդեն սերժա-քոչարյանա-կտրիճական մի քանի լրագրողի։
Հարգելի՛ հավատավոր քաղաքացիներ, նման սադրանքները գուցե էլի կրկնվեն, բայց սրանք վերջին փրփուրներն են, որոնցից կախվում է Կտրիճը՝ մինչև շատ մոտ առաջիկայում վեհարանը լքելը։
Մի՛ տրվեք այդ սադրանքներին և նույնիսկ փողոցային բառապաշարին փորձեք պատասխանել սիրով և հոգատարությամբ»,- ասել է նա:
