ՄԻՊ-ը՝ պաշտոնատար անձանց կողմից արգելված խոսքի տեսակներ օգտագործելու մասին
Բոլոր նրանք, ովքեր կարծում են, որ մասնագիտական, ակադեմիական համայնքները, պաշտոնատար անձինք ավելի ազատ են իրենց խոսքի տեսանկյունից և ավելի հանդուրժող պետք է լինել նրանց նկատմամբ, այդ թվում` խոսքի արգելված տեսակներ օգտագործելու պարագայում, թյուր պատկերացում ունեն բարեվարքության, էթիկայի և վարքագծի կանոնների համակարգի մասին: Այս մասին հայտարարել է Հայաստանի Մարդու իրավունքների պաշտպանը:
«Այս կանոնները ենթադրում են շատ ավելի մեծ զգոնություն խոսքի նկատմամբ, և դրանք չպահպանելու դեպքում կարգապահական պատասխանատվություն:
Միևնույն ժամանակ, անթույլատրելի է և այն տրամաբանությունը, որ նշված կանոնները խախտող խոսքի ցանկացած տեսակ կարող է հանգեցնել քրեական պատասխանատվության:
Չափազանց զգույշ է պետք լինել խոսքի համար քրեական պատասխանատվության գործիքներ գործադրելիս, առավել ևս` անձանց ազատությունից զրկելիս»:
