Հակակոռուպցիոն կոմիտեի մոտ ուժեղացված ծառայություն է. Վարդան Ղուկասյանին այստեղ են բերում

Գյումրիի քաղաքապետ Վարդան Ղուկասյանին այս պահին տեղափոխում են Երեւան՝ Հակակոռուպցիոն կոմիտե՝ Մոսկովյան 1 հասցե։ Այս մասին տեղեկանում ենք News.am-ից։

Այս պահին նշված հատվածում ուժեղացված ծառայություն են իրականացնում ոստիկանության աշխատակիցները։

Նրանց թիվը գնալով ավելանում է։ Ուժեղացված հսկողություն է նաեւ ՆԳՆ շենքի մոտ՝ Նալբանդյան փողոցում։

Հիշեցնենք՝ ՀՀ հակակոռուպցիոն կոմիտեի օպերատիվ–հետախուզական վարչության կողմից ձեռնարկված մեծածավալ օպերատիվ–հետախուզական միջոցառումների և գաղտնի քննչական գործողությունների արդյունքում փաստական տվյալներ են ստացվել Գյումրու համայնքի ղեկավարի և գլխավոր ճարտարապետի կողմից նախնական համաձայնությամբ կաշառք–գումարներ պահանջելու և ստանալու դեպքերի վերաբերյալ։