ԱՄՆ պատվիրակության կազմը փոխվում է` Ռուսաստանի հետ հանդիպումից առաջ

ԱՄՆ-ն մտադիր է լրացուցիչ նախնական հանդիպումներ անցկացնել Ռուսաստանի պատվիրակության հետ՝ նախագահ Թրամփի և Պուտինի միջև Բուդապեշտում նախատեսված գագաթնաժողովից առաջ, հաղորդում է The Wall Street Journal-ը՝ հղում անելով Սպիտակ տան աղբյուրներին։

Հրապարակման համաձայն, ԱՄՆ պատվիրակությունը, հավանաբար, կգլխավորի պետքարտուղար Մարկո Ռուբիոն՝ փոխարինելով հատուկ դեսպանորդ Սթիվ Վիտկոֆին։

«Կուլիսներում նախագահ Թրամփի թիմը աշխատում է բանակցությունները խթանել ավելի հզոր դիվանագիտական ​​լծակներով, քան օգոստոսյան գագաթնաժողովում օգտագործվածը», - գրում է WSJ-ն։