Վրաստանում խուզարկվել են նախկին պաշտոնյաների տները

Վրաստանում խուզարկվել են նախկին պաշտոնյաների՝ վարչապետ Գարիբաշվիլիի, Պետական անվտանգության ծառայության տնօրեն Լիլուաշվիլիի և գլխավոր դատախազ Պարցխալաձեի տները։

Գլխավոր դատախազ Գեորգի Գվարակիձեն ճեպազրույցի ժամանակ հայտարարել է, որ խուզարկվել են նաև նրանց հետ կապված ութ անձանց տներ՝ տարբեր քրեական հետաքննությունների շրջանակներում։ Առգրավվել են էլեկտրոնային սարքեր, փաստաթղթեր և մեծ գումար։