Արագածոտնի թեմից նաև կին աշխատակիցներ են ձերբակալվել

Արագածոտնի թեմից նաև կին աշխատակիցներ են ձերբակալվել: Այս մասին լրագրողների հետ զրույցում հայտնել է փաստաբան Մարինե Ֆարմանյանը:

«Բացի հոգևորականներից, ձերբակալվել են նաև առաջնորդարանի հաշվապահը, գլխավոր հաշվապահը, գործավար-քարտուղարը, նրանք բոլոր կին են»,- ասել է նա:

Հիշեցնենք՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով հավաք անցկացնելուն կամ դրան մասնակցելուն խոչընդոտելու կամ հարկադրելու, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելու դեպքի առթիվ նախաձեռնված քրեական վարույթի նախաքննության շրջանակներում կատարվում են վարութային և ապացուցողական անհրաժեշտ գործողություններ: Լրացուցիչ հանդես կգանք հայտարարությամբ: