Դատապարտում ենք Ռուսաստանի դեմ այս հակամարդկային բարբարոսությունը․ Զախարովան կոչով դիմել է Լատվիային

Ռուսաստանի արտաքին գործերի նախարարության խոսնակ Մարիա Զախարովան Լատվիայի կողմից ռուսներին արտաքսելու որոշումը որակել է անմարդկային, բարբարոսական և նացիստական: «ՏԱՍՍ»-ի հարցին ի պատասխան՝ դիվանագետը ընդգծել է, որ արտաքսված անձինք տարեց, ինչպես նաև առողջական խնդիրներ ունեցող անձինք են եղել։ 

«Մենք դատապարտում ենք այս անմարդկային, հակամարդկային բարբարոսությունը տարեցների և առողջական խնդիրներ ունեցող անձանց նկատմամբ։ Սա մաքուր նացիզմ է», - ասել է Զախարովան։

Դիվանագետը վստահեցրել է, որ Ռուսաստանի արտաքին գործերի նախարարությունը ուշադիր հետևում է Լատվիայի իշխանությունների գործողություններին։

Նա ընդգծել է, որ «դեռ վաղաժամ է խոսել ռուսների անհապաղ զանգվածային արտաքսման սպառնալիքի մասին»։

«Նրանք կարող են դիմել տարբեր վարչական և իրավական մեխանիզմների՝ իրենց իրավունքները պաշտպանելու համար», - բացատրել է Զախարովան։