Միքայել Աջապահյանը դատապարտվեց 2 տարվա ազատազրկման
ՀԱԵ Շիրակի թեմի առաջնորդ Միքայել արքեպիսկոպոս Աջապահյանը դատապարտվեց 2 տարվա ազատազրկման. դատավոր Արմինե Մելիքսեթյանը հրապարակեց դատավճիռը։
Դահլիճում հավաքվածները դատավճռի հրապարակումն ընդունեցին «ամոթ, ամոթ», ապա՝ «սրբազան» վանկարկումներով։
Հիշեցնենք՝ Աջապահյանը մեղադրվում է պետական հեղաշրջման կոչեր հնչեցնելու մեջ։
Մեղադրող կողմը նրա համար պահանջել էր 2.5 տարվա ազատազրկում։
Ավելի վաղ դատարանն իր վերդիկտով Աջապահյանին ճանաչել էր մեղավոր, իսկ այսօր արդեն հրապարակվեց պատժաչափը։
