Փարիզում ցուցարարները ներխուժել են Tesla-ի ավտովաճառքի կենտրոն

Փարիզում ֆրանսիացի ցուցարարները ներխուժել են Tesla-ի ավտովաճառքի կենտրոն՝ կառավարության կողմից առաջարկվող խիստ խնայողության միջոցառումների դեմ զանգվածային բողոքի ցույցերի ժամանակ: Այս մասին հայտնում է «ՌԻԱ Նովոստի»-ն։

Մոտ 150 հոգուց բաղկացած խումբը հավաքվել էր Լիոնի կայարանի մոտ՝ հիմնական բողոքի ցույցից մի քանի ժամ առաջ։

«Մենք ատում ենք միլիարդատերերին», - բղավում էին ցուցարարները։

Նշենք, որ Ֆրանսիայում տեղի են ունենում խոշոր արհմիությունների զանգվածային բողոքի ցույցեր, որոնք կառավարությունից պահանջում են բյուջետային քաղաքականության վերաբերյալ հստակ պատասխաններ: Բողոքի ցույցերը կազմակերպող արհմիությունները դատապարտում են գործատուներին վճարումներից ազատելու քաղաքականությունը և բյուջետային կրճատումները, որոնք ազդում են սոցիալական ապահովության համակարգի վրա։