Թրամփի վարչակազմի անդամները ձգտում են հասնել Վենեսուելայի առաջնորդի հեռացմանը
ԱՄՆ նախագահ Դոնալդ Թրամփի վարչակազմի անդամները, այդ թվում՝ Պետդեպարտամենտի ղեկավար Մարկո Ռուբիոն, ձգտում են հասնել Վենեսուելայի առաջնորդ Նիկոլաս Մադուրոյի հեռացմանը: Այս մասին գրել է The New York Times-ը՝ հղում անելով իր աղբյուրներին:
«Վերջին օրերին Նիկոլաս Մադուրոյին Վենեսուելայի առաջնորդի պաշտոնից հեռացնելու նախագահ Թրամփի բարձրաստիճան օգնականների ձգտումը ուժեղացել է, և վարչակազմի ներկայացուցիչները քննարկում են լայն արշավ, որը կուժեղացնի ռազմական ճնշումը՝ փորձելով ստիպել նրան հեռանալ»,- նշել է պարբերականը:
Նշվում է, որ հենց Ռուբիոն է գլխավորում նախաձեռնությունը։ Պետքարտուղարը պնդում է, որ Մադուրոն անօրինական առաջնորդ է, որը վերահսկում է ԱՄՆ թմրանյութերի մատակարարումը և անխուսափելի սպառնալիք է ներկայացնում:
