ՄԱԿ Անվտանգության խորհրդին չի հաջողվել հետաձգել Իրանի դեմ պատժամիջոցների վերականգնումը
ՄԱԿ Անվտանգության խորհրդին չի հաջողվել ընդունել Ռուսաստանի և Չինաստանի առաջարկած բանաձևը, որով կհետաձգվեր Իրանի դեմ պատժամիջոցների վերականգնումը։
Փաստաթղթին աջակցություն են հայտնել Ալժիրը, Չինաստանը, Պակիստանը և Ռուսաստանը: Միացյալ Թագավորությունը, Դանիան, Ֆրանսիան, Հունաստանը և այլ երկրներ դեմ են արտահայտվել:
ՄԱԿ մամուլի ծառայության տվյալով՝ բանաձևի նախագիծը ներկայացվել է ի պատասխան Ֆրանսիայի, Գերմանիայի և Միացյալ Թագավորության ավելի վաղ արած առաջարկի՝ վերականգնելու հակաիրանական պատժամիջոցները, որոնք կասեցվել էին 2015 թվականի միջուկային համաձայնագրից հետո։
Լոնդոնը, Փարիզը և Բեռլինը մեղադրել են Թեհրանին միջուկային զենքի ձգտելու համար: Քվեարկությանն ընդառաջ ՄԱԿ-ում Ռուսաստանի մշտական ներկայացուցչի տեղակալը մեղադրել է եվրոպական և ամերիկյան կողմերին՝ էսկալացիա հրահրելու համար:
Մեծ Բրիտանիայի ներկայացուցիչը հայտարարել է, որ Թեհրանը չի հարգում միջուկային զենքի չտարածման համաշխարհային ռեժիմը: Միևնույն ժամանակ, նա վստահեցրել է, որ պատրաստ են դիվանագիտական կարգավորման:
Իրանի արտաքին գործերի նախարարը հայտարարել է, որ ստեղծված իրավիճակն Արևմուտքի ձախողման հետևանքն է: Աբբաս Արաղչիի ձևակերպմամբ՝ Միացյալ Նահանգները դավաճանել է դիվանագիտությանը, իսկ եվրոպական եռյակը՝ թաղել այն:
Նմանատիպ հոդվածներ
ՌԴ ՊՆ-ն հաղորդագրություն է տարածել
Դոնբասում Մինսկի համաձայնագրերով արգելված ականանետեր են կիրառվել
ՏԵՍԱՆՅՈՒԹ. Փաստաթուղթը ստորագրվելուց հետո, համարեք, որ արդեն Արցախը լուծարվել է Ադրբեջանի մեջ․ Օսկանյա
Պուտինի դեմ անհաջող մահափորձ է տեղի ունեցել. Ուկրաինայի ՊՆ
Ավելին Քաղաքականություն բաժնից
Լուրերը մեկ տողով. Փաշինյան–արցախցի վեճ, հասարակական արձագանք և Մերձավոր Արևելքի լարվածություն՝ մեկ օրում
Լուրերը մեկ տողով. Սառը եղանակ, տաք ճակատներ․ ներքաղաքական քայլեր և Մերձավոր Արևելքում էսկալացիա
Լուրերը մեկ տողով. ՀՀ-ում եղանակի կտրուկ փոփոխությունից մինչև տարածաշրջանային պատերազմի վերաձևում
