Թուրքիայի և Ադրբեջանի հարաբերությունները լարված են․ Թուրքիան հիասթափեցրեց Ադրբեջանին․ ԶԼՄ
«Թուրքիան հիասթափեցրեց Ադրբեջանին» խորագրի ներքո նշվում է թուրքական ԶԼՄ-ներում հակաադերբաջանական հռետորաբանության ակտիվացումը։ Ընդգծվում է, որ նման հրապարակումներ հայտնվում են ոչ թե պատահական պարբերականներում, այլ իշխանությանը մոտ կանգնած թերթերում։ Այս մասին գրում են ադրբեջանական լրատվամիջոցները։
«Տարօրինակ է, որ Թուրքիան, որը մեղադրում էր Ադրբեջանին «դավաճանության» մեջ, այսօր վարում է Հայաստանի հետ հարաբերությունների արագ կարգավորման քաղաքականություն։ Սահմանային անցակետերը, ցուցադրական հանդիպումները, Գյումրի-Կարս երկաթուղու վերականգնման հնարավորությունների ուսումնասիրությունը, մամուլի համար փակ բանակցությունները և նման այլ քայլերը դրա վառ օրինակն են։ Ադրբեջանը գործընթացին հետևում է միայն կողքից։ Անշուշտ, այս իրադարձությունները հարցեր են առաջացնում» - նշվում է ադրբեջանական կայքերում:
Ադրբեջանական մի շարք պարբերականներ վերլուծություններ են կատարել Թուրքիայի և Ադրբեջանի միջև հարաբերությունների լարվածության վերաբերյալ։
