Վիկտոր Օրբանը հայտարարել է նոր «անակնկալ»՝ ուղևորության մասին
Վիկտոր Օրբանը հայտարարել է նոր «անակնկալ»՝ ուղևորության մասին։ Նա չի ասել, թե կոնկրետ ուր է պատրաստվում մեկնել։
Այս մասին Die Weltwoche թերթի թղթակցին ասել է Հունգարիայի վարչապետը։ Նա հարցազրույց է տվել Մոսկվայից ետ վերադառնալիս՝ ինքնաթիռում:
Օրբանն ընդգծել է, որ Պուտինը 100%-ից ավելի ռացիոնալ մարդ է, կարգապահ և զուսպ: «Բանակցելն ու դրանց պատրաստ լինելն իրական մարտահրավեր է, եթե ցանկանում ես նրա հետ հավասար մտավոր և քաղաքական մակարդակ պահպանել»:
Հիշեցնենք, որ նախօրեին Հունգարիայի վարչապետն այցելել է Մոսկվա, որտեղ երեք ժամ բանակցություններ է վարել Ռուսաստանի Դաշնության նախագահի հետ։ Մինչ այդ նա մեկնել է Ուկրաինա։
