Իսրայելական ուժերը գործողություն են իրականացրել Սիրիայի հարավում
Իսրայելական ուժերը ներխուժել են Սիրիայի հարավում գտնվող Էլ-Կունեյտրա նահանգ և գործողություն են իրականացրել Էս-Սամդանիա բնակավայրում:
Syria TV հեռուստաալիքի տվյալով՝ զինվորականները գյուղի մուտքի մոտ անցակետ են տեղադրել և խուզարկել մի քանի քաղաքացիական ավտոմեքենա:
Ավելի վաղ՝ սեպտեմբերի 19-ի երեկոյան, չորս զրահամեքենայից բաղկացած իսրայելական շարասյունը մտել է Սիրիայի հարավային Դերաա նահանգի տարածք, որտեղ ևս իրականացվել են գործողություններ:
Սիրիայի նախագահ Ահմեդ աշ-Շարաան էլ հայնել է, որ Դամասկոսն առաջիկա օրերին կարող է անվտանգության համաձայնագիր ստորագրել Իսրայելի հետ, միևնույն ժամանակ ընդգծել՝ դա չի նշանակում հրեական պետության հետ հարաբերությունների կարգավորում կամ միացում «Աբրահամյան համաձայնագրերին»։
