Արաղչին հերքել է Վիթքոֆի հետ բանակցությունների մասին տեղեկությունները

Իրանի արտաքին գործերի նախարար Աբբաս Արաղչին հերքել է այն տեղեկությունները, որ ինքը Իրանի միջուկային ծրագրի վերաբերյալ անմիջականորեն խոսել է ԱՄՆ նախագահի դեսպան Սթիվեն Վիթքոֆի հետ։

Ուրբաթ օրը իրանական լրատվամիջոցները հաղորդել էին որ Արաղչին Վիթքոֆին է ներկայացրել Իրանի միջուկային ծրագրի վերաբերյալ համաձայնագրի նախագիծ՝ Իսլամական Հանրապետության դեմ ՄԱԿ-ի պատժամիջոցների վերականգնման սպառնալիքի ֆոնին։

Իսլամական Հանրապետության արտաքին գործերի նախարարը հավելել է, որ Թեհրանի և Վաշինգտոնի միջև հաղորդագրությունները փոխանակվում են ուղղակիորեն կամ, անհրաժեշտության դեպքում, միջնորդների միջոցով, սակայն Իրանի և ԱՄՆ-ի միջև ուղղակի բանակցություններ դեռևս չեն տեղի ունեցել։