ԱՄՆ-ն պատրաստվում է կրճատել Բալթյան երկրներին տրամադրվող օգնությունը

ԱՄՆ-ն օգոստոսին Եվրոպային հայտնել է, որ պատրաստվում է կրճատել Էստոնիային, Լատվիային և Լիտվային տրամադրվող օգնությունը։ Տեղեկությունը հայտնում է «Reuters»-ը՝ հղում անելով աղբյուրին։

«Օգոստոսի վերջին Պենտագոնի ներկայացուցիչները հանդիպել են մի խումբ եվրոպացի դիվանագետների հետ և հանդես են եկել կոշտ հայտարարությամբ. ԱՄՆ-ն նախատեսում է դադարեցնել անվտանգության ոլորտում որոշակի օգնության տրամադրումը Լատվիային, Լիտվային և Էստոնիային»,- ասվում է հոդվածում:

Ըստ գործակալության`Պենտագոնի պաշտոնյա Դևիդ Բեյքերն ասել է, որ Վաշինգտոնի վարչակազմը՝ նախագահ Դոնալդ Թրամփի գլխավորությամբ, մտադիր է առաջին հերթին ուշադրությունը կենտրոնացնել այլ խնդիրների, այդ թվում՝ ԱՄՆ-ի անվտանգության ապահովման վրա:

Ավելի վաղ Էստոնիան, Լատվիան և Լիտվան համատեղ նամակ էին հղել ԱՄՆ Կոնգրեսին՝ խնդրելով չնվազեցնել ռազմական օգնության ֆինանսավորումը: