Մայր Աթոռից անդրադարձել են աղմկահարույց հրապարակմանը
Մայր Աթոռի տեղեկատվական համակարգը հայտնում է. ««Զարկերակ» կայքի և Հ1 հ/ը կայքում անմիջապես արտատպված հոդվածի առնչությամբ բազմաթիվ հարցումներին ի պատասխան ցանկանում ենք տեղեկացնել, հոդվածում կատարված վերագրումները կեղծ են ու մտացածին։ Եկեղեցին երբեք կարիք չունի ֆեյքերի՝ որևէ ճշմարտություն և հարց բարձրաձայնելու համար։
Մայր Աթոռի Տեղեկատվական բաժինն իր գործառույթների շրջանակներում բնականաբար տարբեր ձևաչափերով մշտապես կապի մեջ է և համագործակցում է Եկեղեցու թեմերի մամլո պատասխանատուների և հոգևորականների հետ։ Տեղեկատվության պատշաճ տարածման նպատակով Տեղեկատվականը ունի եկեղեցականաց առանձին խմբեր, որոնց հետ ըստ անհրաժեշտության կազմակերպվում են խորհրդակցություններ և թեմատիկ քննարկումներ»։
Հիշեցնենք՝ ավելի վաղ հաղորդել էինք, որ Zarkerak.am-ը գրում է, որ Գարեգին Բ-ն (Կտրիճ Ներսիսյան) դեռևս 2024-ին ֆեյքերեցների գունդ է ձևավորել:
