ՄԱԿ-ը կմատնվի մոռացության․ Վելայաթի
Շանհայի համագործակցության կազմակերպության (ՇՀԿ) Տյանցզինում կայացած գագաթնաժողովի արդյունքները հստակ ցույց տվեցին, որ Արևմուտքին հետևող ՄԱԿ-ը շուտով կմատնվի մոռացության, և կսկսվի նոր, բազմաբևեռ աշխարհի ստեղծումը։ Այս մասին հայտարարել է Իրանի գերագույն առաջնորդի միջազգային հարցերով խորհրդական Ալի Աքբար Վելայաթին։
«Աշխարհը վերջապես լսեց Միավորված Ազգերի Կազմակերպության «ոսկորների կոտրվելու» ձայնը, և գործնականում հնարավոր է հստակ հայտարարել այն գործընթացի մեկնարկի մասին, որի արդյունքում այն կմատնվի մոռացության, ինչպես Ազգերի լիգան», - ընդգծել է նա Tasnim գործակալության հետ հարցազրույցում՝ պատասխանելով ՇՀԿ գագաթնաժողովի արդյունքների վերաբերյալ հարցին։
«ՇՀԿ-ն և BRICS-ը, որոնք բաղկացած են Չինաստանից, Ռուսաստանից, Իրանից, Հարավային Աֆրիկայից, Բրազիլիայից և Հնդկաստանից, պարզապես անբաժան են միմյանցից։ Ապագա աշխարհը կունենա այլ ձև, այլ բովանդակություն, ի տարբերություն անցյալի», - հավելել է Խամենեիի խորհրդականը։
